1 Deɣya ɣar ṣṣbeḥ zic mcawaren imeqqranen n ikehhanen ak-d imɣaren n řgens d imseřmaden n idlisen d marra Jmaɛet Tameqqrant. Nitni carfen Yasuɛ, iwyen t uca sellmen t i Pilaṭus. ◘15:1 [Mt. 27:1-2; 11-14; Lk. 23:1-5; Yḥ. 18:28-38] — Izhd. 2:2; Mt. 27:1; Lk. 22:66; 23:1; Yḥ. 18:28; Řex. 3:13. 2 Isseqsa i-t Pilaṭus: “Ma Cek d Ajeǧid n Wudayen?” Yarra-dd xas, inna as: “Cek tennid t.” ◘15:2 Mt. 27:11; Lk. 23:3; Yḥ. 18:33. 3 Tuɣa imeqqranen n ikehhanen ttcetcan zzayes zeg waṭṭas n tmesřayin. 4 Isseqsa t Pilaṭus ɛawed, inna as: “Ma war dd-tᵉttarid s ca? Xzar, aṭṭas n yinni xak ittcetcan!” ◘15:4 Mt. 27:13; Yḥ. 19:10. 5 War dd-yarri Yasuɛ s walu, ařami itebhet Pilaṭus. ◘15:5 Ica. 53:7

6 Innum iḍeǧeq i ijj n umeḥbus di kuř řɛid, wenni ixsen nitni. ◘15:6 [Mt. 27:15-31; Lk. 23:13-25; Yḥ. 18:39, 40; 19:1, 16] — Mt. 27:15; Lk. 23:17; Yḥ. 18:39. 7 Tuɣa din ijjen umi qqaren Bar-Abbas, ḥebbsen t ak-d imɣewwɣen, inni inɣin ijjen deg uɣewweɣ. ◼15:7 aɣewweɣ - niɣ ‘řfawḍa’.  ◘15:7 Mt. 27:16; Lk. 23:19; Yḥ. 18:40. 8 Isɣuyy řɣaci uca nitni bdan ttᵉttarren zzayes ḥima ad igg am mammec tuɣa innum ittegg i nitni. 9 Yarra-dd Pilaṭus, inna: “Ma texsem ad awem dd-arxuɣ i Ujeǧid n Wudayen?” 10 Minzi tuɣa issen belli imeqqranen n ikehhanen aqa sellmen t zi řeḥsed. 11 Maca imeqqranen n ikehhanen ɛarnen řɣaci, maḥend ad ttaren ad asen dd-iḍřeq i Bar-Abbas. ◘15:11 Mt. 27:20; Lk. 23:18; Yḥ. 18:40; Řex. 3:14. 12 Pilaṭus inna asen: “Min texsem ad ggeɣ s wenni umi tᵉttřaɣam Ajeǧid n Wudayen?” 13 Sɣuyyen ɛawed: “Ṣellb i-t!” 14 Inna asen Pilaṭus: “Man tuɛeffna i igga?” Xenni arnin di tɣuyyit ɛad ktar: “Ṣellb i-t!” 15 Am tuɣa ixs Pilaṭus ad issarḍa řɣaci, iḍřeq i Bar-Abbas, maca isellem asen Yasuɛ, awarni řami t hettken s urekkuḍ, ḥima ad t ṣellben. ◘15:15 Mt. 27:26; Yḥ. 19:1.

16 Gewwden t iɛeskariyyen ɣar daxeř n řemraḥ n Taddart n Ccraɛ, umi qqaren ‘Prituriyum’, uca ssmunen marra řkumpaniyyet n řɛeskar. ◘15:16 Mt. 27:27; Yḥ. 19:2. 17 Ssyarḍen as ijj n werruḍ d azeggʷaɣ, muden as ijj n ttaj s isennanen uca qqnen as-t, 18 bdan ttseǧamen xas, qqaren as: “Azul xak, a Ajeǧid n Wudayen!” 19 Tuɣa ccaten t ɣar uzeǧif s yijj n weɛmud n uɣanim, ssusufen xas uca uḍaren x ifadden nsen, ɛebden t. 20 Awarni řami t sseḥqaren, kksen as aseřham azeggʷaɣ uca ssyarḍen as arruḍ nnes, xenni ssuffɣen t ḥima ad t ṣellben.

21 Ḥṣaren ijjen wenni dd-ikkin ssenni am dd-yusa zeg iyyar, Cimɛun zi Qayrawan, babas n Aliksandir d Rufus, ḥima ad as yarbu ṣṣalib. ◼15:21 zeg iyyar - niɣ ‘zi řkampu’.  ◘15:21 [Mt. 27:32-44; Lk. 23:26-39; Yḥ. 19:17-19] — Mt. 27:32; Lk. 23:26. 22 Iwyen Yeccu ɣar wemcan umi qqaren ‘Juljuta’, min ixs ad yini ‘Taceqquft’. ◘15:22 Mt. 27:33; Lk. 23:33; Yḥ. 19:17. 23 Wcin as binu ixeǧḍen s mirru d amarzag, ḥima ad t isuw, maca Netta war ixs ad t isuw. 24 Umi t ṣellben, bḍan arruḍ nnes, ggin xas akeccuḍ x min ɣa iksi kuř ijj zzaysen. ◘15:24 Izhd. 22:19; Mt. 27:35; Lk. 23:34; Yḥ. 19:23. 25 Tuɣa tasaɛɛet d třata, aqa-tt d tesɛa n ṣṣbeḥ, umi t ṣellben. 26 Ssibbet n řmewt nnes aqa-tt di tira-ya sennej nnes: ‘Wa d Ajeǧid n Wudayen’. ◘15:26 Mt. 27:37; Lk. 23:38; Yḥ. 19:19. 27 Ṣellben akides tnayen n ixewwanen, ijjen x ufusi nnes, wenneɣni x uzeřmaḍ nnes. 28 Ammu i ttwakemmřent Tira Iqeddsen i iqqaren: “Ittwaḥseb ak-d inni war iseggden.” ◘15:28 Ica. 53:12; Lk. 22:37.

29 Inni ssenni dd-ittekken, tuɣa ttceqqafen dayes, tthezzan izeǧifen nsen, nnan: “A Cek wenni i ɣa ihedmen Zzawect Tameqqrant uca ad tt tebnid ɛawed di třata n wussan, ◘15:29 Izhd. 22:8; 69:21; 109:25; Mt. 27:39; Lk. 23:35; Yḥ. 2:19. 30 senjem Ixef nnec, hwa-dd zi ṣṣalib!” 31 Ammu i t sseḥqaren ɛawed imeqqranen n ikehhanen ak-d imseřmaden n idlisen, nnan: “Tuɣa issenjem inneɣni, maca war izemmar ad issenjem Ixef nnes. 32 Ejj Lmasiḥ, Ajeǧid n Israil, ad dd-ihwa řexxu zi ṣṣalib, ḥima ad nẓar uca ad dayes namen.” Uřa d yinni ittwaṣellben akides, kkwaren t.

33 Umi dd-tiweḍ tsaɛɛet setta, aqa-tt d ḍḍhur, tewḍa-dd taǧest x temmurt marra ař tesɛa, aqa-tt d třata n uɛecci. ◘15:33 [Mt. 27:45-56; Lk. 23:44-49; Yḥ. 19:28-30] — Mt. 27:45; Lk. 23:44. 34 Di tsaɛɛet tesɛa isɣuy Yasuɛ s tmijja tejhed, inna: “Il, Il, lmana cabaqtani?”, min ixs ad yini: “A AREBBI inu, a AREBBI inu, mayemmi dayi tsemḥed?” ◼15:34 Il, Il, lmana cabaqtani - tuɣa Yasuɛ issawař s yiřes n Třamit am t ssawařen marra Wudayen di Urcalim d temmurt n Ljalil.  ◘15:34 Izhd. 22:2; Mt. 27:46.

35 Ca zeg inni din ibedden, umi sřin aya, nnan: “Aqa Netta iřaɣa i Iliya!” 36 Yuzzeř-dd ɣares ijjen, issuff ict n spunxa s řxeǧ, igga i-tt x uɣanim, iwca as ḥima ad isuw. Maca nitni nnan: “Raja! Ejj aneɣ ad nẓar ma ad dd-yas Iliya ḥima ad t-i-dd-issehwa.” ◘15:36 Izhd. 69:22; Yḥ. 19:29. 37 Xenni isɣuy Yasuɛ s ict n tmijja tejhed uca isellem arruḥ nnes. 38 Ařeḥḥaf n wadaf ɣar Zzawect Tameqqrant ittwacarreg x tnayen zi sennej ɣar swadday. ◘15:38 2 Im. 3:14; Mt. 27:51; Lk. 23:45. 39 Umi iẓra řqebṭan n mya i din ibedden zzates, isɣuyyu ammu s jjehd uca xenni ibedd usuffeɣ n nnefs, inna: “S tidett tuɣa Bnadem-a d Mmis n AREBBI!” ◘15:39 Mt. 27:54; Lk. 23:47. 40 Tuɣa din ɛawed timɣarin xezzarent i-dd zi řaggʷaj, jar asent ɛawed Maryam n Majdala d Maryam, yemmas n Yaɛqub, amaẓuẓ, u n Yusis, d Salumi. ◘15:40 Mt. 27:56; Lk. 23:49. 41 tinni t-i-dd-iḍfaren, sexxarent xas umi t tuɣa di Ljalil. Tuɣa din uřa d aṭṭas n timɣarin nneɣnit tinni tuɣa akides i dd-igeɛɛden ɣar Urcalim. ◘15:41 Lk. 8:2, 3.

42 Řami dd-tiweḍ tmeddit n Usewjed, tameddit nni iǧan qbeř i ssebt, ◘15:42 [Mt. 27:57-61; Lk. 23:50-56; Yḥ. 19:38-42] — Mt. 27:57; Lk. 23:50; Yḥ. 19:38. 43 yusa-dd Yusuf zi Ramta, ijj n umcawar icennɛen n Jmaɛet Tameqqrant, wenni tuɣa ittrajan Tageldit n AREBBI. Uca netta izɛem ad yadef ɣar Pilaṭus maḥend ad as ittar arrimet n Yasuɛ. 44 Itebhet Pilaṭus umi immut ammu deɣya. Iřaɣa-dd i řqebṭan n mya, isseqsa t, ma immut qbeř řweqt. ◘15:44 Izhd. 34:22; Yḥ. 1(;31-38 45 Umi ifhem man aya zi řqebṭan n mya, iwca arrimet i Yusuf. 46 Isɣa Yusuf řecfen n řeqṭen azdad, iksi t zi ṣṣalib, icfen i-t di řecfen nni, issars i-t deg wenḍeř i xebcen di sseǧaḥ uca isseqnunni ict n teṣḍart x tewwart n wenḍeř. ◘15:46 Mt. 12:40; 26:12; 27:60; Lk. 23:53. 47 Tuɣa Maryam n Majdala d Maryam, yemmas n Yusi, ẓrint mani t ssarsen.