2
Ṣṣifet n tsexxart n Bulus
1 A aytma, řami dd-usiɣ ɣarwem, war dd-usiɣ ca ḥima ad awem barrḥeɣ Řexbar Aṣebḥan n ssirr n AREBBI s tbezzaḥt n wawař niɣ s tiɣit, ◘2:1 1 Kur. 1:17; 2:4. 2 minzi aqa tuɣa ɛewwřeɣ ḥima war ttessneɣ ca jar awem mɣir Yasuɛ Lmasiḥ, d Wenni ittwaṣellben ɛawed. 3 Tuɣa ayi akidwem s waṭṭas n tiggʷudi d uqdides. ◘2:3 Řex. 18:1, 3; 2 Kur. 10:10. 4 Tabrat inu d tbarreḥt inu war dd-usint-i-dd s wawařen izewwqen n tiɣit n bnadem, maca s wescan n Arruḥ d jjehd, ◘2:4 1 Kur. 1:17; 2:1; 2 Bṭ. 1:16. 5 ḥima l’iman nwem war ittbeddi ca x tiɣit n iwdan, maca x jjehd n AREBBI. ◘2:5 2 Kur. 4:7.
6 Maca nessawař s tiɣit i yinni t iwḍen, aqa s ict n tiɣit tenni war iǧin n ddunect-a niɣ n řḥukkam n ddunect-a, inni i ɣa ittwassbeṭṭřen, ◘2:6 Ayub 28:21; 1 Kur. 15:24. 7 maca nessawař tiɣit n AREBBI s ijj n ssirr i tuɣa inuffaren, wenni tuɣa izzar ifarz i-t AREBBI i uɛuǧi nneɣ qbeř i tuɣa din zzmanat. ◘2:7 Rum. 16:25; 1 Kur. 4:1. 8 Wa d ssirr nni war t issin uřa d ijj zi řḥukkam n ddunect-a, minzi mařa tuɣa ssnen t, iři war ṣellben ɛemmarṣ Sidi n uɛuǧi. ◘2:8 Mt. 11:25; Yḥ. 7:48; 16:3; Řex. 3:17; 13:27; 2 Kur. 3:14; 1 Tim. 1:13. 9 Maca am mammec tura:
“Min war teẓri tiṭṭ d min war isři umezzuɣ
d min war yudifen ca ɣar wuř n bnadem,
aqa man aya issewjed i-t AREBBI i yinni t ittexsen.” ◘2:9 Ica. 64:3.
10 Maca AREBBI immeř aneɣ t s Arruḥ nnes, minzi Arruḥ tarezzu kuřci uřa d řaǧaɣ n AREBBI. ◘2:10 Mt. 13:11; 2 Kur. 3:18. 11 Minzi man wen d bnadem i issnen min iǧan di bnadem mɣir arruḥ n bnadem wenni dayes iǧan. Ammu ɛawed uřa d ijj war issin ca min iǧan di AREBBI mɣir Arruḥ n AREBBI. ◘2:11 Awřn. 27:19; Irm. 17:9.
12 Aqa neccin war neksi ca arruḥ n ddunect, maca Arruḥ i dd-yusin zi AREBBI, ḥima ad nessen min d aneɣ iwca AREBBI. ◘2:12 Rum. 8:15. 13 S uyenni awařen i zi nessawař, war ǧin d tɣuri s wawařen n tiɣit n bnadem, maca d tɣuri zi Arruḥ, ḥima ad nessemqudda min iǧan n arruḥ ak-d min iǧan n arruḥ. ◘2:13 1 Kur. 1:17; 2:4; 2 Bṭ. 1:16 14 Maɣar bnadem s yixef nnes war iqebbeř ca min iǧan n Arruḥ, minzi iḥesb i-t d tubbuheřya, war izemmar ad t ifhem, minzi man aya izemmar ad ittwafarz s Arruḥ waha. 15 Maca bnadem arruḥani aqa izemmar ad ifarz kuřci, maca netta simant nnes war xas iḥekkem uřa d ijj. ◘2:15 Awřn. 28:5. 16 Minzi wi issnen axemmem n SIDI ařami izemmar ad t isseřmed? Maca neccin ɣarneɣ axemmem n Lmasiḥ. ◘2:16 Ica. 40:13; Rum. 11:34.
◘2:1 2:1 1 Kur. 1:17; 2:4.
◘2:3 2:3 Řex. 18:1, 3; 2 Kur. 10:10.
◘2:4 2:4 1 Kur. 1:17; 2:1; 2 Bṭ. 1:16.
◘2:5 2:5 2 Kur. 4:7.
◘2:6 2:6 Ayub 28:21; 1 Kur. 15:24.
◘2:7 2:7 Rum. 16:25; 1 Kur. 4:1.
◘2:8 2:8 Mt. 11:25; Yḥ. 7:48; 16:3; Řex. 3:17; 13:27; 2 Kur. 3:14; 1 Tim. 1:13.
◘2:10 2:10 Mt. 13:11; 2 Kur. 3:18.
◘2:11 2:11 Awřn. 27:19; Irm. 17:9.
◘2:13 2:13 1 Kur. 1:17; 2:4; 2 Bṭ. 1:16
◘2:15 2:15 Awřn. 28:5.
◘2:16 2:16 Ica. 40:13; Rum. 11:34.