102
102-күй •••• «Худаниң меһриванлиғиға тәшәккүр ейтиш»
Давут язған күй: —
 
Пәрвәрдигарға тәшәккүр қайтур, и җеним;
И пүтүн вуҗудум, Униң муқәддәс намиға тәшәккүр қайтур!
Пәрвәрдигарға тәшәккүр қайтур, и җеним,
Унтума униң барлиқ меһримбанлиқ-бәрикәтлирини;
У пүткүл қәбиһликлириңни кәчүриду,
Барлиқ кесәллириңгә дава қилиду;
Һаятиңни һаңдин һөрлүккә қутқузиду,
Бешиңға меһир-муһәббәт һәм рәһимдиллиқларни таҗ қилип кийгүзиду.
Көңлүңни назу-немәтләр билән қандуриду;
Яшлиғиң бүркүтниңкидәк йеңилиниду. «Көңлүңни назу-немәтләр билән қандуриду» — башқа бир нәччә хил тәрҗимилири арисида «Жиллириңни назу-немәтләр билән қандуриду» дейилиду.
Пәрвәрдигар барлиқ езилгәнләр үчүн һәққанийлиқ һәм адаләтни жүргүзиду;
У Өз йоллирини Мусаға,
Қилғанлирини Исраилларға намайән қилған.
Пәрвәрдигар рәһимдил вә шәпқәтликтур,
У асанлиқчә аччиқланмайду,
Униң меһир-муһәббити тешип туриду. Мис. 34:6; Чөл. 14:18; Қан. 5:10; Нәһ. 9:17; Зәб. 85:15; 144:8; Йәр. 32:18
У узунғичә әйипләвәрмәйду,
Яки та мәңгүгә ғәзивидә туривәрмәйду. Йәш. 57:16; Йәш. 3:5
10 У бизгә гуналиримизға қарита муамилидә болған әмәс,
Бизгә қәбиһликлиримизгә қарита тегишлигини яндурған әмәс.
11 Асман йәрдин қанчилик егиз болса,
Униңдин қорқидиғанларға болған муһәббитиму шунчилик зордүр.
12 Шәриқ ғәриптин қанчилик жирақта болса,
Биздики асийлиқларниму шунчә жирақлаштурди.
13 Ата балилириға қандақ көйүнгән болса,
Пәрвәрдигарму Өзидин қорқидиғанларға шундақ меһривандур.
14 Чүнки У Өзи бизниң җисмимизни билиду,
Тупрақтин екәнлигимизни У есигә алиду.
15 Инсан болса — униң күнлири от-чөпкә охшайду,
Даладики гүлдәк үнүп чиқип чечәкләйду; Аюп 14:1, 2; Зәб. 89:5-7; Яқ. 1:10, 11; 1Пет. 1:24
16 Униң үстидин шамал учуп өтиду,
У йоқ болиду, әслий маканиму уни қайта тонумайду.
17-18 Лекин Өзидин қорқидиғанларға,
Өз әһдисигә вапа қилғанларға,
Көрсәтмилирини орунлаш үчүн уларни есидә тутқанларға,
Пәрвәрдигарниң меһир-муһәббити әзәлдин әбәткичә,
Һәққанийити әвлаттин әвлатлиригичидур. Қан. 7:9
19 Пәрвәрдигар тәхтини әрштә қурған,
Униң сәлтәнити һәмминиң үстидин һөкүм сүриду;
20 И сөзигә қулақ салғучи,
Каламини иҗра қилғучи, қудрити зор болған Униң пәриштилири,
Пәрвәрдигарға тәшәккүр-мәдһийә қайтуруңлар!
21 И силәр, Униң барлиқ қошунлири,
Ирадисини ада қилғучи хизмәткарлири,
Пәрвәрдигарға тәшәккүр-мәдһийә қайтуруңлар! Яр. 32:1; 1Пад. 22:19; Әф. 3:10; Кол. 1:16
22 И, Униң барлиқ ясиғанлири,
Һөкүмранлиғи астидики барлиқ җайларда Пәрвәрдигарға тәшәккүр-мәдһийә қайтуруңлар!
И мениң җеним, Пәрвәрдигарға тәшәккүр қайтур!
 
 

102:5 «Көңлүңни назу-немәтләр билән қандуриду» — башқа бир нәччә хил тәрҗимилири арисида «Жиллириңни назу-немәтләр билән қандуриду» дейилиду.

102:8 Мис. 34:6; Чөл. 14:18; Қан. 5:10; Нәһ. 9:17; Зәб. 85:15; 144:8; Йәр. 32:18

102:9 Йәш. 57:16; Йәш. 3:5

102:15 Аюп 14:1, 2; Зәб. 89:5-7; Яқ. 1:10, 11; 1Пет. 1:24

102:17-18 Қан. 7:9

102:21 Яр. 32:1; 1Пад. 22:19; Әф. 3:10; Кол. 1:16