1 Alò, lè yo te fin vwayaje travèse Amphipolis ak Apollonie, yo te rive ✡Trav 17:11,13Thessalonique, kote te gen yon sinagòg Jwif.

2 Selon abitid Paul, li te ale kote yo. Pandan twa ✡Trav 13:14Saba li te rezone avèk yo sou Ekriti Sen yo. 3 Li te bay eksplikasyon ak evidans ke Kris la ✡Trav 3:18te oblije soufri e ✡Jn 20:9leve ankò soti nan lanmò. Li t ap di: “Jésus sila a, ke mwen ap pwoklame a nou an, se Kris la.”

4 Kèk nan yo te vin kwè, e te vin jwenn avèk Paul ak Silas, ansanm avèk yon gran kantite ✡Trav 13:43Grèk ki te krent Bondye, ak yon kantite ✡Trav 13:50fanm enpòtan.

5 Men ✡Trav 17:13Jwif yo te vin jalou, e te mennen kèk mesye mechan sòti nan mache a. Yo te fòme yon ekip ajitatè, e te mete tout vil la nan yon tapaj. Lè yo te rive lakay Jason, yo t ap chache mennen yo deyò bay pèp la.

6 Men lè yo pa t twouve yo, yo te kòmanse rale Jason ak kèk lòt nan frè yo devan otorite vil yo. Yo t ap rele: “Mesye sa yo k ap boulvèse tout ✡Mat 24:14mond lan rive isit la tou. 7 Se Jason ki ✡Luc 10:38resevwa yo. Yo tout aji kont dekrè César a. Y ap di gen yon lòt wa, Jésus!” 8 Foul la ak chèf yo te byen twouble lè yo tande bagay sa yo.

9 Lè yo te resevwa yon bon garanti nan men ✡Trav 17:5Jason ak lòt yo, yo te lage yo.

10 Frè yo, konsa, te voye Paul ak Silas ale nan ✡Trav 17:13Bérée pandan nwit lan. Lè yo te rive, yo te antre nan sinagòg Jwif yo.

11 Alò, Jwif sila yo te pi nòb pase sila nan ✡Trav 17:1Thessalonique yo, paske yo te resevwa pawòl la avèk yon gwo anvi. Yo te egzamine Ekriti yo chak jou pou wè si bagay sa yo se te konsa. 12 Konsa, anpil nan yo te vin kwè, ansanm avèk plizyè mesye ak fanm Grèk enpòtan yo.

13 Men lè Jwif Thessalonique yo te vin konprann ke pawòl Bondye a te pwoklame pa Paul nan ✡Trav 17:10Bérée, yo te vini la osi pou yo ajite ak chofe foul la.

14 Alò, imedyatman frè yo te voye Paul deyò pou ale jis kote lanmè a, e ✡Trav 15:22Silas ak ✡Trav 16:1Timothée te rete la. 15 Alò, sila ki t ap gide Paul yo te mennen li jiska ✡Trav 17:16,21Athènes. Yo te kite li la, epi lè yo fin resevwa lòd pou fè Silas ak Timothée vin kote l pi vit ke posib, yo te ale.

16 Pandan Paul t ap tann yo nan ✡Trav 17:15,21Athènes, lespri li te pwovoke anndan l akoz li te wè ke vil la te ranpli nèt avèk zidòl.

17 Konsa, li t ap rezone ✡Trav 9:20nan sinagòg la avèk Jwif yo ✡Trav 17:4ak pèp etranje ki te krent Bondye yo, e nan mache a chak jou avèk sila ke li te konn rakontre.

18 Anplis, kèk nan filosòf Epikiryen ak Stoyik yo t ap diskite avè l. Kèk t ap di: “Kisa mesye ki renmen pale anpil sa a ta vle di?” Lòt yo t ap di: “Li sanble ke l ap pwoklame kèk lòt kalite dye etranje” —akoz ke li t ap preche ✡Trav 4:2Jésus ak rezirèksyon an.

19 Konsa, yo te ✡Trav 23:19pran li e te mennen li nan Aréopage la. Yo te di l: “Èske ou kapab eksplike nou nouvo ansèyman sila a, ke w ap pwoklame a. 20 Paske w ap pote kèk bagay byen dwòl nan zòrèy nou. Konsa, nou vle konnen kisa bagay sa yo vle di.” 21 (Alò, tout Atenyen yo ak lòt etranje ki t ap ✡Trav 2:10vizite la yo te konn pase tout tan yo nan pale, oswa nan tande kèk lide nèf.)

22 Konsa, Paul te kanpe nan mitan Aréopage la, e te di: “Mesye Athènes yo, mwen wè ke nou se moun ✡Trav 25:19ki renmen adore nan tout sans. 23 Paske pandan mwen t ap travèse e t ap egzamine ✡II Tes 2:4objè adorasyon nou yo, mwen te twouve yon otèl avèk enskripsyon sa a: “A Dye Enkoni an!” Konsa, sila ke nou ap adore san konnen an, mwen pwoklame L a nou.

24 ✡És 42:5“Bondye ki te fè mond lan avèk tout bagay ki ladann yo, akoz Li se ✡Det 10:14Senyè syèl la ak tè a, pa rete nan tanp ki fèt pa men a lòm. 25 Ni li pa sèvi pa men moun ✡Job 22:2kòmsi Li te bezwen yon bagay. Paske se Li menm ki bay moun lavi, souf ak tout bagay.

26 “Se Li menm ki te fè sòti nan yon sèl òm, tout nasyon a lòm yo, pou viv sou tout sifas tè a, e ki te deja ✡Det 32:8detèmine fòs tan yo ta pase ladann, ak lizyè pou kote yo ta viv yo; 27 pou yo ta chèche Bondye, si petèt yo ta lonje men yo e twouve L, ✡Det 4:7malgre ke Li pa lwen de chak en de nou.

28 “ ‘Paske ✡Job 12:10nan Li nou viv, nou fè mouvman, e nou egziste menm, jan kèk nan powèt nou yo konn di: paske nou menm tou se pitit Li.’ 29 Konsa, akoz ke nou se pitit a Bondye, nou ✡És 40:18pa dwe panse ke lanati diven an se tankou lò, lajan, oswa wòch; yon imaj ki fòme pa da ak refleksyon a lòm.

30 “Bondye ✡Trav 14:16pa t konte tan inyorans sa yo, men koulye a Li deklare ke lòm toupatou dwe repanti, 31 paske Li deja fikse yon jou ladann ke ✡Sòm 9:8Li va jije lemonn nan ladwati atravè yon nonm ke Li nome, e te founi prèv a tout moun lè L te fè L leve, sòti nan lanmò a.”

32 Alò, lè yo te tande de ✡Trav 17:18,31rezirèksyon lanmò a, kèk te kòmanse moke l, men lòt yo te di: “Nou dwe tande ou ankò konsènan sa a”.

33 Konsa Paul te sòti nan mitan yo.

34 Men kèk moun te vin jwenn li e te kwè. Pami sila yo te gen osi Denys, moun Aréopage la, yon fanm ki te rele Damaris, e kèk lòt avèk yo.