1 Men koulye a, sila ki pi jenn pase mwen yo ap ✡ Job 12:4giyonnen m.

Papa a sila mwen pa ta dakò pou

mete ansanm ak chen,

ap mennen bann mwen yo.

2 Anverite, ki byen fòs men yo ta kab fè m?

Gwo fòs te deja disparèt nan yo

3 akoz mank bagay ak grangou, yo fin sèch nèt;

sila ki seche a tè nèt nan lannwit lan, ak pèt e ak dezolasyon an,

4 Ki rache fèy raje nan mitan rakèt la,

e ki manje rasin bayawonn.

5 Yo chase yo deyò lavil la;

yo kriye dèyè yo tankou yon vòlè,

6 jiskaske yo vin rete nan vale tèrib yo,

nan twou tè ak nan wòch yo.

7 Pami rak tibwa yo, yo rele fò;

anba machacha a, yo vin rasanble ansanm.

8 Moun fou, menm sila san non yo,

yo te ranmase retire sou latè.

9 Alò, koulye a, se mwen menm yo pase nan ✡ Job 12:4rizib;

mwen te devni yon pawòl betiz pou yo.

10 Yo rayi mwen, kanpe lwen m

e yo pa sispann ✡ És 50:6krache nan figi m.

11 Akoz Li te lage fisèl banza a pou te aflije mwen,

yo ✡ Sòm 32:9rete retire brid la nèt devan m.

12 Sou men dwat lan, nich sa yo pote vin leve.

Yo ✡ Sòm 140:4-5rale pye mwen akote e

bati kont mwen tout manèv destriksyon yo.

13 Yo ✡ És 3:12kraze chemen m,

yo pwofite akoz mwen defèt nèt.

Pa gen moun ki anpeche yo.

14 Tankou nan yon gran brèch, yo vin parèt;

nan mitan tanpèt, yo woule.

15  ✡ Job 3:25Gwo perèz yo vin vire kont mwen;

yo tanmen gate respè mwen tankou van

e bonè mwen disparèt tankou nwaj.

16 Konsa, koulye a ✡ Sòm 42:4nanm mwen vide anndan pou kite m;

anpil jou afliksyon te sezi mwen.

17 Nan lannwit, li frennen ✡ Job 30:30zo m yo anndan m,

e sa ki manje m yo pa pran repo.

18 Ak gwo fòs, vètman m vin ✡ Job 2:7tòde sou mwen;

li mare m nèt tankou kolye manto m.

19 Li te jete mwen nan ✡ Sòm 69:2-14labou

e mwen te vin tankou pousyè ak sann.

20 Mwen ✡ Job 19:7kriye a Ou menm pou sekou, men Ou pa reponn mwen;

mwen kanpe e Ou vin okipe m ak malveyans.

21 Ou te vin mechan anvè mwen;

avèk fòs a men Ou, Ou ✡ Job 16:9-14pèsekite m.

22 Ou ✡ Job 9:17leve m wo sou van e fè m monte;

epi Ou fè m fonn nèt nan yon gwo tanpèt.

23 Paske, mwen konnen ke Ou ap ✡ Job 9:22mennen m a lanmò

e jis rive nan gwo ✡ Ekl 12:5kay asanble a

ki prepare pou tout sila ki vivan yo.

24 Malgre, èske yon moun ki nan yon gwo pil mazi

ki kraze nèt pa lonje men l;

oswa nan move eta l konsa, li pa ✡ Job 19:7kriye sekou?

25 Èske mwen pa t kriye pou sila ki gen difikilte yo?

Èske nanm mwen pa t plen tristès pou ✡ Job 24:4malere a?

26 Lè m ✡ Job 3:25-26t ap tann sa ki bon an, se pa bon an ki te rive;

lè m te tann limyè, alò se tenèb ki te vini.

27 Mwen fè cho nèt ✡ Lam 2:11anndan m, e m pa kab poze.

Jou plen ak afliksyon yo parèt devan m.

28 Mwen fè dèy toupatou san rekonfò.

Mwen kanpe nan asanble a pou mwen ✡ Job 19:7rele sekou.

29 Mwen te vin frè ak ✡ Sòm 44:19chen mawon

e zanmi parèy a otrich.

30 Chè m vin nwa sou mwen

e ✡ Sòm 102:3 zo m yo brile ak lafyèv.

31 Pou sa, ✡ És 24:8ap mwen an jwe nan doulè ak tristès

e flit mwen an nan son a sila k ap kriye yo.