31
1 “Mwen te fè yon akò ak ✡ Mat 5:28zye m;
alò kòman konsa mwen ta kab voye rega mwen sou yon vyèj?
2 Epi se kisa ki ✡ Job 20:29pòsyon Bondye soti anwo a,
ak eritaj a Toupwisan an soti anwo a?
3 Èske li pa yon malè pou sila ki pa jis yo
e yon dezas pou ✡ Job 34:22sila ki fè inikite yo?
4 Èske Li pa ✡ II Kwo 16:9wè chemen mwen yo
e kontwole tout pa mwen yo?
5 “Si mwen te ✡ Job 15:31mache nan sa ki fo
e pye m te kouri dèyè twonpe moun,
6 (kite Li ✡ Job 6:2-3peze mwen nan yon balans ki jis
e kite Bondye konnen entegrite m).
7 Si pa m yo te ✡ Job 23:11vire kite chemen an,
oswa kè m te swiv zye m,
oswa si gen yon tach ki kole sou men m,
8 kite mwen ✡ Lev 26:16simen pou yon lòt ta manje
e kite tout sa m plante vin rache.
9 “Si kè m te ✡ Job 24:15sedwi pa yon fanm,
oswa mwen te mize nan pòtay vwazen mwen,
10 kite madanm mwen graje pou yon lòt
e kite ✡ Det 28:30lòt yo vin kouche sou li.
11 Paske sa ta yon krim ✡ Lev 20:10sansyèl;
anplis, li ta yon inikite ki ta dwe jije.
12 Paske li ta yon dife ki pou limen jis rive nan ✡ Job 26:6 Sejou Lanmò yo
e ta derasine tout byen mwen ranmase yo.
13 Si mwen te ✡ Det 24:14-15refize demand a esklav mwen,
gason kon fanm, lè l te fè yon plent kont mwen,
14 Alò, kisa mwen ta kab fè lè Bondye leve?
Epi lè L rele m pou jijman,
ki repons mwen ta kab bay Li?
15 Èske ✡ Job 10:3Sila ki te fè m nan vant lan pa t fè yo
menm tou?
Se pa Li sèl ki te fòme nou nan vant lan?
16 Si mwen te ✡ Job 5:16anpeche malere yo nan dezi yo,
oswa te fè zye a vèv la pa wè klè,
17 oswa te manje pòsyon pa mwen pou kont mwen
san ✡ Job 29:12 òfelen an pa jwen ladann,
18 (Men depi jenès mwen, òfelen an te grandi avè m tankou papa l
e soti nan anfans lan, mwen te fè gid pou vèv la),
19 Si mwen te wè yon moun peri akoz mank rad,
oswa ke ✡ Job 24:4sila ak bezwen pa t gen anyen pou kouvri l,
20 si ren li pa t beni m e si li pa t chofe ak lenn mouton mwen yo,
21 si mwen te leve men m kont ✡ Job 29:12òfelen an,
akoz mwen te wè mwen te gen soutyen nan pòtay la,
22 alò, kite zepòl mwen tonbe sòti nan twou zo a
e ✡ Job 38:15bra mwen kase soti nan koud la.
23 Paske malè ki sòti nan Bondye a
se yon gwo perèz pou mwen e akoz ✡ Job 13:11majeste Li,
pa gen anyen mwen kab fè.
24 Si se nan ✡ Job 22:24lò mwen te mete konfyans mwen
pou m te rele lò fen mwen an kon espwa m,
25 Si mwen te ✡ Job 1:3-10ògeye akoz byen mwen yo te tèlman gran,
e akoz men m te tèlman ranmase anpil;
26 si mwen te ✡ Det 4:19gade solèy la lè l t ap brile,
oswa lalin nan lè li prale nan bèlte li,
27 Epi kè m te vin sedwi an sekrè e men mwen te
voye yon bo ki sòti nan bouch mwen,
28 sa osi ta yon inikite ki te merite jijman,
paske mwen t ap ✡ Jos 24:27abandone Bondye anwo a.
29 Èske mwen te ✡ Pwov 17:5rejwi lè lènmi m te vin disparèt nèt?
Oswa bat men m lè mal vin rive li?
30 Non, ✡ Sòm 7:4mwen pa t kite bouch mwen peche,
ni mwen pa t mande pou l ta mouri avèk malediksyon.
31 Èske mesye nan tant mwen yo pa t di:
‘Ou pa p twouve yon moun ki pa ✡ Job 22:7satisfè ak vyann pa li a’?
32 Etranje a pa t rete deyò;
mwen te ouvri pòt mwen yo a vwayajè a.
33 Èske m te ✡ Jen 3:10kouvri transgresyon mwen yo tankou Adam?
oswa kache inikite mwen nan kè mwen,
34 akoz mwen te ✡ Egz 23:2krent gwo foul la?
Oswa akoz krent gwo wont lan devan lòt fanmi yo,
te kenbe silans mwen e pa t sòti deyò?
35 O ke m te gen yon moun ki pou tande mwen!
Gade byen, men otograf mwen; kite Toupwisan an reponn mwen!
Avèk pwosè vèbal ke ✡ Job 27:7lènmi m nan te ekri a.
36 Anverite, mwen ta pote l sou zepòl mwen;
mwen ta mare l sou mwen tankou yon kouwòn.
37 Mwen ta deklare a Li fòs kantite pa pye mwen yo;
tankou ✡ Job 1:3yon prens mwen ta parèt devan L.
38 Si menm ✡ Job 24:2teren mwen an rele kont mwen
e tout tranch li yo kriye ansanm;
39 Si mwen te manje fwi li san lajan,
oswa te ✡ I Wa 21:19kòz ke mèt li yo te pèdi lavi yo,
40 Kite ✡ Job 32:13pikan yo grandi olye ble
e zèb santi fò ranplase lòj la.”
Pawòl yo a Job se fini.