24
1 ✡ Trav 1:7“Poukisa Toupwisan an pa mete tan nan rezèv?
E poukisa sila ki konnen Li yo pa wè ✡ És 2:12jou Li yo?
2 Kèk ✡ Det 19:14retire limit bòn yo.
Yo sezi e devore bann mouton yo.
3 Yo pouse fè ale bourik a ✡ Job 6:27òfelen yo,
yo pran bèf a vèv la kon garanti.
4 Yo pouse ✡ Job 24:14endijan yo akote wout la.
Malere peyi a oblije kache nèt.
5 Gade byen, kon bourik mawon nan dezè a,
yo ✡ Sòm 104:23vin parèt pou chache manje.
Dezè a bay yo anpil manje pou pitit yo.
6 Yo rekòlte nan chan a lòt yo,
e ranmase nan chan rezen a mechan yo.
7 ✡ Egz 22:26Yo pase lannwit lan toutouni san rad,
e yo pa gen pwotèj kont fredi a.
8 Yo mouye ak lapli mòn yo,
e yo anbrase wòch yo akoz mank pwotèj yo.
9 Lòt yo sezi ✡ Job 6:27òfelen an soti nan tete a,
e kont malere a, yo pran garanti.
10 Se yo ki koz malere a ale toutouni san rad,
kap pote pakèt akoz grangou.
11 Anndan miray moun sa yo, yo pwodwi lwil.
Yo foule li nan preswa, men yo swaf.
12 Depi nan vil la, moun yo plenyen fò,
e nanm a sila ki blese yo pouse gwo plent,
men Bondye pa prete atansyon de foli sa a.
13 “Gen lòt moun ki fè rebèl kont limyè a.
Yo pa vle konnen pa li,
ni rete nan chemen li yo.
14 Asasen an ✡ Mi 2:1leve granmmaten.
Li ✡ Sòm 10:8touye malere a ak endijan an.
Nan lannwit, se yon vòlè li ye.
15 Zye ✡ Pwov 7:9adiltè a tann lannwit rive;
li di: ‘Zye p ap janm wè m.’
Li kouvri figi li.
16 Nan fènwa, yo ✡ Egz 22:2fouye anndan kay yo.
Yo ✡ Jn 3:20fèmen yo menm pandan jounen an.
Yo pa konnen limyè.
17 Paske pou li maten se menm jan ak fènwa a byen pwès,
tèlman li abitye ak ✡ Job 15:21gwo perèz nan fènwa pwès la.
18 “Se kim yo ye k ap monte sou dlo.
Pòsyon pa yo ✡ Job 15:21modi sou latè.
Yo pa tankou chan rezen yo.
19 Sechrès ak chalè manje dlo lanèj la.
Menm jan tou, ✡ Job 21:13Sejou Lanmò fè sila ki te peche yo.
20 Vant manman an ✡ És 49:15va bliye li.
Vè va manje li byen dous,
jiskaske moun pa sonje l ankò.
Konsa, mechanste la va kase tankou yon pyebwa.
21 Li fè tò a fanm esteril la.
Li pa gen mizerikòd pou li.
22 Men Bondye konsève pwisan an pa lafòs Li.
Li vin gwo, men ✡ Job 18:20lavi li pa asire.
23 Bondye bay yo sekirite e yo repoze ladan l.
✡ Job 10:4Zye Li veye tout sa yo fè.
24 Yo leve wo pou yon ✡ Sòm 37:10ti tan, e yo ale.
Konsa, yo vin ✡ Job 14:21rale ba e tankou tout lòt bagay, yo pote ale.
Menm tankou tèt sereyal, yo koupe, yo retire.
25 Alò, si se pa konsa li ye, se kilès ki kab fè prèv
ke m bay manti, oswa anile pawòl mwen yo?”