2 “Koute pawòl mwen yo, sila ki saj nan nou yo

e koute mwen, nou menm ki gen konesans.

3 Paske ✡ Job 12:11zòrèy la teste pawòl yo

jan bouch la goute manje a.

4 Kite nou chwazi pou nou menm sa ki dwat;

kite nou konnen pami nou menm sa ki bon.

5 Paske, Job te di: ‘Mwen dwat, men

✡ Job 27:2Bondye te rache dwa mwen an;

6 Èske mwen ta dwe manti selon dwa m?

✡ Job 6:4Blese m se san gerizon, san ke m pa fè transgresyon.’

7 Se kilès ki tankou Job,

k ap ✡ Job 15:16bwè giyonnen moun tankou se dlo,

8 Ki ale ✡ Job 22:15kenbe konpanyen ak sila ki fè inikite yo

e mache avèk moun malveyan yo?

9 Paske, li te di: ✡ Job 21:5‘Sa pa fè okenn avantaj pou moun

lè l kontan ak Bondye.’

10 “Pou sa, koute mwen, nou menm ki gen bon konprann.

Fòk se lwen pou Bondye ta ✡ Job 8:3fè mechanste,

e pou Toupwisan an fè mal.

11 Paske Li rekonpanse lòm selon ✡ II Kor 5:10zèv li yo

e fè li jwenn selon chemen li.

12 Anverite, ✡ Job 34:10Bondye p ap aji avèk mechanste,

e Toupwisan an p ap fè jistis vin konwonpi.

13 Se kilès ki te ✡ Job 38:4bay Li otorite sou latè?

Epi se kilès ki te poze responsabilite tout mond lan sou Li?

14 Si Li ta pran desizyon pou Li fè; si Li ta ✡ Sòm 104:29ranmase a Li menm

pwòp lespri Li a, menm ak souf Li a,

15 Tout ✡ Jen 7:21chè ta peri ansanm

e lòm ta ✡ Job 10:9 retounen nan pousyè.

16 “Men si gen moun bon konprann, koute sa a;

koute son pawòl mwen yo.

17 Èske ✡ II Sam 23:3yon moun ki rayi jistis va renye?

Epi èske ou va kondane Sila ki dwat e pwisan an,

18 Ka p di a yon wa: ‘Sanzave’, a prens yo: ‘nou mechan’;

19 Ki p ap montre ✡ I Pi 1:17patipri a prens yo,

ni rich yo kon pi enpòtan ke pòv,

paske tout moun se zèv a men Li ke yo ye.

20 Nan yon moman, yo mouri;

epi ✡ Egz 12:29nan mitan lannwit, yon pèp vin etone,

yo disparèt e moun pwisan yo retire san men leve.

21 “Paske ✡ Pwov 15:3zye Li sou chemen a yon nonm

e Li wè tout pa li fè.

22 Nanpwen ✡ Sòm 139:11-12fènwa, ni lonbraj fonse

kote malfektè inikite yo kab kache kò yo.

23 Paske Li pa ✡ Job 11:11bezwen obsève yon nonm anpil

pou li ta dwe pase an jijman devan Bondye.

24 Li kraze ✡ Job 12:19moun pwisan an an mòso, san mande anyen

e mete lòt moun nan plas yo.

25 Pou sa, Li ✡ Job 34:11konnen zèv yo;

Li boulvèse yo nan lannwit e yo kraze nèt.

26 Li ✡ Sòm 9:5frape yo tankou mechan

nan yon plas pou tout moun wè,

27 Akoz yo ✡ I Sam 15:11vire akote nan swiv Li e pa gade chemen Li yo;

28 Akoz yo te fè ✡ Job 35:9kri a malere a rive kote Li

pou L ta kab tande kri a aflije yo——

29 Lè L rete an silans, se kilès ki kab kondane L?

Epi lè L kache figi Li, alò, se kilès ki kab wè L?

Li pli wo ke nasyon, ni lòm?——

30 Se konsa pou ✡ Job 5:15 anpeche moun ki san Bondye yo ta vin

reye e vin yon pèlen pou pèp yo.

31 “Paske, èske yon moun te di Bondye:

‘Mwen te fin sipòte kont mwen; mwen p ap fè ofans ankò;

32 Enstwi mwen sa ke m pa wè;

si mwen te ✡ Job 33:27fè inikite, mwen p ap fè l ankò’?

33 Èske Li va ✡ Job 41:11rekonpanse ak plan pa ou a,

pou ou ka refize li? Paske se ou menm ki oblije chwazi;

se pa mwen. Pou sa a, deklare sa ke ou konnen.

34 Moun ak bon konprann va di mwen,

oswa yon nonm saj ki tande m va di:

35 ‘Job ✡ Job 35:16pale san konesans e pawòl li yo san sajès.

36 Yo dwe fè pwosè kont Job jis rive nan tout limit li,

akoz li reponn ✡ Job 22:15tankou moun mechan yo.

37 Paske li ogmante ✡ Job 23:2rebelyon sou tout lòt peche li yo.

Li bat men li pami nou e ogmante pawòl li yo kont Bondye.’ ”