O fi a lame yo.

Yo fin fè syèj kont ou;

Ak gwo baton, yo va ✡ I Wa 22:24frape jij Israël la

nan machwè.

2 Men ou menm, Bethléhem Éphrata,

pi piti pami fanmi a Juda yo,

nan ✡ És 11:1; Jr 30:21ou va soti pou Mwen

Youn pou vin chèf an Israël.

Lè pou L vin parèt la te etabli depi

nan tan ansyen yo, jis rive nan

jou etènite yo.

3 Akoz sa, Li va ✡ Os 11:8lese yo ale jiskaske

sila ki te gen doulè a, fin pouse fè pitit la.

Nan lè sa a, retay nan frè li yo va retounen

vin jwenn fis Israël yo.

4 Epi Li va leve e nouri ✡ És 40:11 bann mouton Li an

nan fòs SENYÈ a;

Nan majeste a non SENYÈ, Bondye Li a.

Epi yo va rete; paske nan tan sa a,

Li va pwisan jis rive nan ✡ És 45:22dènye pwent

latè.

5 Epi Nonm sila a, va lapè nou✡ És 9:6; És 8:7-8

lè Asiryen yo vini nan peyi nou an,

e lè li va mache nan palè nou yo,

nou va leve kont li sèt bèje ak uit òm prensipal.

6 Yo va ✡ Na 2:11-13 regle peyi Assyrie ak nepe e

peyi Nimrod la menm nan pòtay li yo;

Epi li va ✡ És 14:25delivre nou soti nan men Asiryen an

lè l fè envazyon peyi nou an

ak lè li mache anndan fwontyè nou an.

7 Epi konsa, ✡ Mi 2:12retay Jacob la va nan mitan anpil

nasyon pèp yo,

tankou lawouze ki sòti nan SENYÈ a,

tankou lapli k ap farinen sou tout vèdi latè,

ki pa tann lòm, ni fè reta pou fis a lòm yo.

8 Retay Jacob la va pami nasyon yo, pami

anpil pèp;

Tankou yon lyon pami bèt forè,

tankou yon jèn lyon nan mitan bann mouton;

li menm, si l pase, mache, dechire an mòso

e ✡ Jen 49:9; Sòm 50:22 p ap gen pèsòn ki pou delivre.

9 Ke men ou vin ✡ Sòm 10:12Leve kont advèsè Ou yo

e lènmi Ou yo va vin koupe retire nèt.

10 “Li va rive, nan jou sa a,”, deklare SENYÈ a,

✡ Za 9:10“ke Mwen va retire cheval nou yo nan mitan

nou e Mwen va detwi cha lagè nou yo.

11 “Anplis, Mwen va koupe retire ✡ És 1:7vil

nan peyi nou yo e mwen va jete tout

miray fòterès nou yo.

12 Mwen va koupe retire zafè tout ✡ Det 18:10-12wanga soti

nan men nou e nou p ap gen divinò ankò.

13  ✡ És 2:18Mwen va retire imaj taye nou yo ak

pilye sakre ki pami nou yo,

pou nou pa adore zèv men nou yo ankò.

14 Mwen va dechouke ✡ Egz 34:13Asherim ki pami nou yo e

mwen va detwi vil nou yo.

15 Epi Mwen va ✡ És 1:24egzekite vanjans kòlè

ak gwo mekontantman sou nasyon ki pa t koute yo.”