1  ✡ Trav 12:17Jacques, yon sèvitè-atache nèt a Bondye, ak Senyè a, Jésus Kris, a douz tribi ki gaye a letranje yo, salitasyon.

2  ✡ Mat 5:12; I Pi 1:6Konsidere sa kòm tout lajwa, frè m yo, lè nou rankontre tout kalite eprèv yo 3 nan konnen ke eprèv lafwa nou pwodwi ✡ Luc 21:19andirans. 4 Konsa, kite andirans lan fè rezilta pafè li, pou nou kab vin ✡ Mat 5:48pafè e konplè, san manke anyen.

5 Men si nenpòt nan nou manke sajès,✡ I Wa 3:9; Mat 7:7 kite li mande Bondye, ki bay tout moun avèk jenewozite e san repwòch, e Bondye va bay li. 6 Men li dwe ✡ Mat 21:21mande nan lafwa, san doute, paske sila ki doute a tankou vag lanmè, ki pouse e voye pa van an. 7 Paske moun sa a pa dwe sipoze ke li va resevwa anyen nan men Senyè a, 8 tankou yon moun ak ✡ Jc 4:8doub panse, ki enstab nan tout chemen li yo.

9  ✡ Luc 14:11 Kite frè ki nan sikonstans ki ba, bay glwa nan wo pozisyon li; 10 e kite moun rich la, bay glwa nan imilyasyon li, paske ✡ I Kor 7:31tankou zèb k ap fleri, li osi va disparèt. 11 Paske solèy la leve avèk yon ✡ Mat 20:12gwo chalè, epi ✡ És 40:7zèb la seche; flè li tonbe, e bote aparans li an vin disparèt. Konsa tou, moun rich la nan mitan tout sa l ap chèche yo, li va vin disparèt.

12  ✡ Luc 6:22 Beni se yon moun ki pèsevere anba eprèv. Paske, yon fwa li fin apwouve, li va resevwa kouwòn lavi a ke Senyè a pwomèt a sila ki renmen Li yo. 13 Pa kite pèsòn di lè l tante: ✡ Jen 22:1“Se Bondye k ap tante m,” paske Bondye pa kapab tante pa mal, e Li menm, Li pa tante pèsòn. 14 Men chak moun tante lè li pote ale pa pwòp move dezi li yo. 15 Alò, lè move dezi a fin jèmen, li bay nesans a peche. Epi lè ✡ Wo 5:12peche a fin akonpli, li pote lanmò.

16  ✡ I Kor 6:9Pinga nou vin twonpe, frè byeneme mwen yo.

17 Tout bon bagay ki fèt ak tout kado pafè sòti anwo, epi desann nan Papa a limyè yo. Avèk Li pa gen ni chanjman ni menm yon lonbraj varyasyon. 18 Nan egzèsis volonte Li, Li te ✡ I Pi 1:3,23fè nou vin parèt pa pawòl verite a pou nou ta kapab vin tankou✡ Rev 14:4premye fwi pami kreyati Li yo.

19 Nou konnen sa, frè byeneme m yo. Men tout moun dwe gen vitès nan tande, ✡ Pwov 10:19lan nan pale, e lan nan fè kòlè. 20 Paske ✡ Mat 5:22kòlè a lòm pa pwodwi ladwati Bondye.

21 Konsa, annou ✡ Ef 4:22mete sou kote tout sa ki sal, ak tout sa ki rete de mechanste, e ak imilite, resevwa pawòl ki enplante nan nou an, ki kapab sove nanm nou.

22  ✡ Mat 7:24-27Men, fè prèv tèt nou ke nou aji selon pawòl la, e se pa senpleman tande li. Moun konsa yo twonpe pwòp tèt yo. 23 Paske si yon moun ap tande pawòl la, e li pa aji selon li, li tankou yon moun ki gade figi natirèl li ✡ I Kor 13:12nan yon miwa. 24 Yon fwa, li fin gade tèt li e li ale, li gen tan bliye ki kalite moun li te ye a.

25 Men yon moun ki gade avèk atansyon lalwa pafè a, lalwa libète a, e aji selon li, li pa vin yon moun ki tande pou bliye, men yon moun ki fè l tout bon, moun sa a va ✡ Jn 13:17beni nan sa li fè.

26 Si yon moun panse nan tèt li ke li swiv Bondye tout tan, e malgre sa, li pa ✡ Sòm 39:1mete yon brid sou lang li, li pase pwòp tèt li nan betiz, e lafwa moun sa a vin san valè.

27 Relijyon ki pafè e san tach devan zye a Bondye, Papa nou a se sa a: vizite òfelen e vèv ki nan nesesite yo, e kenbe tèt nou san tach ✡ II Pi 1:4de mond lan.