2
1 “A zanj nan legliz ✡Rev 1:11Éphèse la, ekri: Sila ki kenbe sèt zetwal yo nan men dwat Li a, Sila ki mache pami sèt chandelye fèt an lò yo, di sa a:
2 “Mwen konnen zèv nou yo, travay di nou an, ak pèseverans nou, ke nou pa kapab tolere moun mechan, e nou te pase an eprèv sa yo ki rele tèt yo apòt, lè l pa t vrè, epi te twouve yo fo. ✡I Jn 4:1 3 Nou gen pèseverans ak andirans ✡Jn 15:21pou koz a non Mwen, e nou pa t bouke.
4 “Men Mwen gen sa kont nou, ke nou ✡Jr 2:2kite premye lanmou nou an. 5 Alò, sonje kote nou te tonbe a, epi ✡Rev 2:16-22repanti e ✡Eb 10:32fè zèv ke nou te fè avan yo; sinon Mwen ap vini kote nou pou retire chandelye nou an nan plas li, amwenske nou repanti. 6 Poutan nou genyen sa a, ke nou rayi zèv ✡Rev 2:15Nikolayityen yo, ke Mwen menm, Mwen rayi tou.
7 “Sila ki gen yon zòrèy la, kite li tande sa Lespri a di a legliz yo. A sila ki venkè a, Mwen va kite l manje nan ✡Jen 2:9pyebwa lavi a ki nan Paradi Bondye a.
8 “A zanj legliz Smyrne lan, ekri: ✡És 44:6Premye ak dènye a, ki te mouri an, e ki te retounen a lavi a, di sa a: 9 Mwen konnen ✡Rev 1:9tribilasyon ak povrete nou (men nou rich); epi blasfèm pa sila ki di yo se Jwif men ki pa sa yo, men ki se yon sinagòg pou Satan.
10 “Pa pè pou sa nou prèt pou soufri yo. Veye, dyab la prèt pou voye kèk nan nou nan prizon, pou nou kab pase a leprèv, e nou va gen tribilasyon pandan di jou. ✡Rev 2:13Rete fidèl jiska lanmò, e mwen va bannou kouwòn lavi a.
11 “Sila ki gen yon zòrèy la, kite l tande sa Lespri a di a legliz yo. Sila ki venkè a, p ap soufri donmaj pa ✡Rev 20:6,14dezyèm lanmò a.
13 Mwen konnen kote nou rete, kote twòn a Satan an ye. Nou kenbe fèm nan Non Mwen, e nou pa t nye lafwa nan Mwen an, menm nan jou Antipas yo, ✡Trav 22:20temwen Mwen an, fidèl Mwen an, ki te touye pami nou, kote Satan rete a.
14 “Men Mwen gen kèk bagay kont nou; paske nou gen la kèk moun ki kenbe nan ansèyman Balaam, ki te ansenye Balak pou mete yon wòch chite devan fis Israël yo, ✡Nonb 25:1pou manje bagay ki te sakrifye a zidòl e komèt zak imoral. 15 Konsa tou, nou gen kèk moun ki, nan menm jan an, k ap kenbe sou ansèyman ✡Rev 2:6Nikolayityen yo.
16 “Konsa, ✡Rev 2:5repanti; sinon, Mwen va vini kote nou vit, e Mwen va fè lagè kont yo avèk ✡Rev 1:16nepe a bouch Mwen an.
17 “Sila ki gen yon zòrèy la, kite l tande sa Lespri a di a legliz yo. A sila ki venkè a, a li menm, Mwen va bay kèk nan lamàn kache a, e Mwen va ba li yon wòch blan avèk yon non tounèf ki ekri sou wòch la ✡Rev 19:12ke pèsòn p ap konnen, sinon sila ki resevwa l la.
18 “A zanj a legliz nan Thyatire a, ekri: Fis Bondye a, ✡Rev 1:14ki gen zye tankou yon flanm dife a e pye tankou bwonz poli a, di sa a: 19 ✡Rev 2:2Mwen konnen zèv nou yo, lanmou nou, lafwa, sèvis, ak pèseverans, e ke zèv nou dènye tan sa yo pi gran pase avan yo.
20 “Men Mwen gen sa kont nou, ke nou tolere fanm ✡I Wa 16:31Jézabel la, ki rele tèt li pwofetès, e ki ansenye pou fè egare sèvitè Mwen yo, pou yo kab komèt vye zak imoral e manje bagay sakrifye a zidòl. 21 ✡II Pi 3:9Mwen te ba li tan pou repanti, e li ✡Wo 2:5pa vle repanti de imoralite li yo.
22 “Gade byen, Mwen va jete li sou yon kabann plen maladi, e sila ki ✡Rev 17:2fè adiltè yo avèk li nan gran tribilasyon an, amwenske yo repanti de zèv li yo. 23 Konsa, Mwen va touye pitit li yo avèk gwo maladi lapès, e tout legliz yo va konnen ke Mwen menm se Sila ki ✡Sòm 7:9sonde panse ak kè yo. Mwen va bay nou chak selon zèv nou.
24 “Men Mwen di nou, rès moun ki nan Thyatire yo, ki pa kenbe a doktrin sila a, ki pa t konnen ✡Kol 2:10bagay pwofon a Satan yo, jan yo rele yo a, Mwen ✡Trav 15:28pa mete lòt fado sou nou. 25 Sepandan ✡Rev 3:11kenbe fèm a sa nou genyen an jiskaske M vini.
26 “Sila ki venkè a, e sila ki kenbe zèv Mwen yo jiska lafen an, ✡Sòm 2:8a li menm Mwen va bay otorite sou nasyon yo. 27 Li va gouvène yo avèk yon baton fè, ✡És 30:14tankou veso ajil ki vin kraze an mòso, jan Mwen menm te resevwa otorite soti nan Papa M nan; 28 epi Mwen va ba li ✡I Jn 3:2zetwal maten an.