1 Alò, konsènan ✡Trav 1:7tan ak epòk yo, frè m yo, nou pa bezwen ekri nou anyen. 2 Paske nou menm, nou konnen trè byen ke ✡I Kor 1:8jou a Senyè a va vini sou nou tankou yon vòlè lannwit. 3 Pandan y ap di “Lapè ak sekirite”, alò ✡II Tes 1:9destriksyon va vini sou yo sibitman, tankou ✡Jn 16:21doulè a yon fanm k ap fè pitit. E yo p ap chape.

4 Men nou menm, frè m yo, nou pa nan ✡Trav 26:18tenèb, pou jou a ta siprann nou tankou yon vòlè. 5 Paske nou tout se ✡Luc 16:8fis a limyè e fis lajounen an. Nou pa apatyen a lannwit ni a tenèb. 6 Konsa, annou pa ✡Wo 13:11dòmi tankou ✡Ef 2:3lòt yo konn fè a, men annou rete vijilan e rezoli. 7 Paske sila ki dòmi yo, fè dòmi yo a nan lannwit; e sila kap vin sou yo ✡Trav 7:15vin sou lannwit. 8 Men paske nou apatyen a lajounen, annou rete rezoli. Annou fin mete sou nou ✡És 59:17pwotèj lestomak lafwa ak lanmou an, e kòm ✡Ef 6:17kas, lesperans sali a.

9 Paske Bondye pa t destine nou a ✡I Tes 1:10lakòlè, men pou nou vin ✡II Tes 2:13gen Sali atravè Senyè nou an, Jésus Kri. 10 ✡Wo 14:9Li te mouri pou nou pou kit nou vivan kit nou mouri, nou va viv ansanm avèk Li.

11 Konsa, annou ankouraje youn lòt, e ✡Ef 4:29remonte youn lòt, jis jan n ap fè a.

12 Men nou mande nou, frè m yo, pou nou apresye sila ✡Wo 16:6,12ki travay avèk dilijans pami nou yo, e ki ✡Eb 13:17responsab nou nan Senyè a pou bannou lenstriksyon e korije nou. 13 Fòk nou ba yo gwo estim nan lanmou akoz de travay yo.

✡Mc 9:50Viv nan lapè avèk youn lòt.

14 Nou egzòte nou anpil, frè m yo, avèti moun san ✡II Tim 3:6,7,11prensip yo, ankouraje ✡És 35:4sila ki manke kouraj yo, ede fèb yo, aji nan pasyans avèk tout moun. 15 Veye pou ✡Wo 12:17pèsòn pa rann youn lòt mal pou mal, men toujou chache sa ki bon pou youn lòt e pou tout moun.

16 ✡Fil 4:4Se pou nou rejwi nou tout tan. 17 Priye san rete. 18 Nan tout bagay ✡Ef 5:20bay remèsiman, paske sa se volonte Bondye pou nou nan Kris Jésus a.

19 ✡Ef 4:30Pa etenn Lespri Sen an. 20 Pa meprize ✡Trav 13:1pawòl pwofetik yo. 21 Men ✡I Kor 14:29byen egzamine tout bagay. Kenbe fèm a sa ki bon an 22 e evite tout kalite mal.

23 Koulye a, ke Bondye lapè a, Li menm, ki sanktifye nou nèt la, e ke ✡Luc 1:46lespri nou, nanm nou ak kò nou kapab konsève nèt ✡II Pi 3:14san repwòch jis nan vini a Senyè nou an, Jésus Kri.

24 ✡I Kor 1:9Fidèl se Sila ki rele nou an, e Li osi va fè l rive konsa.

25 Frè m yo ✡Ef 6:19priye pou nou.

26 ✡Wo 16:16Salye tout frè yo avèk yon bo ki sen. 27 Mwen bay ou lòd nan non Senyè a pou ✡Kol 4:16fè lèt sa a li bay tout frè yo.

28 Ke ✡Wo 16:20lagras Senyè nou an, Jésus Kri avèk nou. Amen.