12
1 Konsa, frè m yo, mwen egzòte nou pa tout mizerikòd Bondye yo, pou ✡ Wo 6:13,19prezante kò nou kon yon sakrifis vivan e sen, ki se sèvis fidèl ke nou rann pou adore Bondye. 2 Pou sa a, pa konfòme nou a mond sa a, men transfòme nou pa ✡ Ef 4:23renouvèlman lespri nou, pou nou kapab ✡ Ef 5:10,17pwouve sa ke volonte Bondye a ye; sa ki bon, akseptab e konplè san manke anyen.
3 Paske selon gras ke mwen resevwa a, mwen di a chak moun pami nou ✡ Wo 11:20pou pa panse pi wo de tèt li pase sa li ta dwe panse a; men panse avèk yon jijman rezonab, konsi, Bondye te bay chak moun yon mezi lafwa. 4 Paske ✡ I Kwo 12:12-14menm jan ke kò nou gen anpil manm e tout manm sa yo pa gen menm fonksyon, 5 konsa nou menm tou ki anpil, nou fè ✡ I Kwo 12:20,27yon sèl kò nan Kris la, e nou chak manm youn ak lòt. 6 Akoz nou gen don ki ✡ Wo 12:3pa menm, selon gras ke nou resevwa a, annou chak sèvi yo konsa; si se pwofetize, sèvi l selon mezi lafwa ke Bondye bannou; 7 si se ✡ Trav 6:1fè sèvis, nan sèvi moun, si se ✡ Trav 13:1enstwi, nan enstwi, 8 si se egzòte moun, nan egzòtasyon; si se bay, bay avèk jenewozite; ✡ I Tim 5:17si se dirije, dirije avèk dilijans, si se bay mizerikòd, bay li avèk kè kontan.
9 Se pou nou renmen ✡ II Kwo 6:6san ipokrizi. Rayi sa ki mal e kenbe fèm a sa ki bon. 10 ✡ Jn 13:34Se pou nou angaje nou youn ak lòt nan lanmou fratènèl; bay preferans youn pou lòt avèk lonè. 11 Pa fè bak nan dilijans, rete ✡ Trav 18:25zele nan lespri nou, ak ✡ Trav 20:19nan sèvis Senyè a, 12 ✡ Wo 5:2rejwi nou nan esperans, rete pasyan nan tribilasyon ✡ Trav 5:14pèsevere nan lapriyè. 13 ✡ II Kwo 9:1Kontribye pou bezwen a sen yo, e toujou ✡ Mat 25:35pratike ospitalite.
14 ✡ Mat 5:44Beni sila ki pèsekite nou yo, bay benediksyon e pa bay madichon. 15 ✡ Job 30:25Rejwi avèk sila ki rejwi yo, e kriye avèk sila ki kriye yo. 16 Kenbe menm panse a youn anvè lòt. Pa kite ògèy antre nan lespri nou, men toujou asosye nou avèk sa ki enb yo. ✡ Pwov 3:7Pa konprann ke se nou menm ki saj. 17 ✡ Pwov 20:22Pa janm remèt mal pou mal a pèsòn. Respekte sa ki bon nan zye a tout moun. 18 Si se posib, otan ke li depann de nou ✡ Mc 9:50rete anpè avèk tout moun. 19 Pa janm pran pwòp vanjans nou, byeneme mwen yo, men kite plas pou kòlè Bondye a. Paske sa ekri: ✡ Det 32:35“Vanjans se pou Mwen; Mwen menm va bay rekonpans”, di Senyè a.
20 ✡ II Wa 6:22“Konsa, si lènmi nou grangou, bay li manje;
e si li swaf, bay li bwè.
Paske lè nou fè l konsa, nou sanble moso chabon cho sou tèt li.”
21 Pa kite nou venk pa le mal, men venk mal la avèk sa ki bon.