11
1 Konsa, mwen mande: Èske Bondye ✡I Sam 12:22rejte pèp Li a? Pa janm panse sa! Paske mwen se yon Izrayelit tou, yon desandan Abraham, ki sòti nan tribi Benjamin an. 2 Bondye ✡Sòm 94:14pa janm rejte pèp Li a ke Li te konnen oparavan an. Èske ou pa konnen sa Ekriti a di nan pasaj sou Élie, jan li te plede avèk Bondye kont Israël? 3 “Senyè ✡I Wa 19:10,14yo touye pwofèt ou yo; yo kraze lotèl ou yo. Se mwen sèl ki rete, e y ap chèche touye m tou.” 4 Men ki repons ojis Bondye te bay li?: ✡I Wa 19:18“Mwen kenbe pou Mwen menm sèt-mil òm ki pa t mete ajenou devan Baal.” 5 Nou konprann menm jan ke nan tan prezan pa nou anplis, nou twouve yon retay nan pèp la pa gras ak chwa Bondye. 6 Men ✡Wo 4:4si se pa gras sa rive, li pa baze ankò sou zèv. Otreman li pa t ap gras ankò. Men si se pa zèv, li pa gras ankò. Otreman, zèv se pa zèv ankò.
7 Alò, Kisa? Sa ke ✡Wo 9:31Israël ap cheche a, sa a, li pa t twouve. Men sila yo ki te chwazi pa Bondye, te twouve l, e rès la te vin ✡Mc 6:52di nan kè. 8 Jis jan sa te ekri a: ✡Det 29:4“Bondye te bay yo yon espri sòt, zye pou yo pa wè, ak zòrèy pou yo pa tande jiska menm jou sila a.”
9 Konsa, David di:
✡Sòm 69:22“Kite tab yo devni yon pèlen ak yon pyèj;
yon wòch bite ak yon chatiman pou yo.
10 ✡Sòm 69:23Kite zye yo vin nwa pou yo pa wè
ak do yo koube pou tout tan.”
11 Konsa, mwen mande: “Yo pa t glise tonbe nèt”? Se pa sa! Sa p ap janm rive konsa! Men pa transgresyon pa yo, ✡Trav 28:28sali a gen tan rive a pèp etranje yo pou fè yo jalou. 12 Alò, si transgresyon pa yo se richès pou mond lan, e echèk pa yo se richès pou pèp etranje yo, konbyen anplis ✡Wo 11:25pou lè yo menm reyisi?
13 Paske m ap pale avèk nou menm ki se pèp etranje yo. Otan ke ✡Trav 9:15mwen menm se yon apòt a pèp etranje yo, mwen leve sèvis ministè pa m byen wo. 14 Men pou si l ta ka vin fèt (ke pa yon mwayen oswa yon lòt), si mwen ta kapab eksite pwòp pèp mwen an a jalouzi, pou m ta kapab ✡I Kwo 1:21sove kèk, mwen ta fè l. 15 Paske si rejeksyon pa yo se ✡Wo 5:11rekonsilyasyon pou tout mond lan, kisa l ap ye menm lè yo vin aksepte, sof ke lavi k ap sòti nan lanmò.
16 Si ✡Nonb 15:18premye mòso ki sòti nan pat pen an sen, tout rès la ap sen tou, e si rasin lan sen, tout branch yo ap sen tou. 17 Men si kèk nan ✡Jn 15:2branch yo te kase retire, epi ✡Ef 2:11ou menm, kòm yon oliv sovaj, te vin grefe pami yo, e te devni yon pati vivan avèk yo nan gwo rasin pye oliv la, 18 pa vin awogan anvè branch yo. Men si ou ta vin awogan, sonje ke ✡Jn 4:22se pa ou menm ki bay soutyen a rasin lan, men li menm ki bay ou soutyen. 19 ✡Wo 9:19Konsa ou va di: “Men branch yo te kase pou m te kab vin grefe ladan yo”. 20 Se sa li ye; yo te kase akoz de enkwayans yo, men ✡Wo 5:2ou kanpe pa lafwa ou. Pa vin fè pretansye, men gen lakrent. 21 Paske si Bondye pa t konsève branch orijinal yo, Li p ap konsève ou menm nonplis. 22 Konsa, byen gade bonte ak severite Bondye a. Anvè sila ki tonbe yo, severite, men pou ou menm, bonte Li, ✡I Kwo 15:2si ou kontinye nan bonte Li. Otreman, l ap retire ou tou. 23 Konsa, yo menm tou ✡II Kwo 3:16si yo pa kontinye nan enkwayans yo, y ap grefe ladann ankò. Paske Bondye toujou kapab grefe yo ladann. 24 Paske si ou te koupe soti nan yon bwa ki pa nati li, te yon bwa oliv sovaj, e ou te vin grefe kont nati, nan yon bwa oliv ki kiltive, konbyen anplis tout branch sila yo ki se branch natirèl va grefe nan bwa oliv orijinal la.
25 Paske mwen pa vle nou, frè m yo, manke konprann mistè sila a✡Wo 12:16pouke ou vin sipoze ou plen ak sajès. Yon tèt di nan yon pati gen tan pran Israël jiskaske tout pèp etranje yo fin antre. 26 Konsa, tout Israël va sove. Jis jan sa ekri a:
✡És 59:20“Sila k ap delivre a va sòti de Sion.
Li va retire enkwayans a Jacob.”
27 ✡És 59:21“Sa se akò Mwen avèk yo;
lè Mwen va retire peche pa yo.”
28 Nan bi bòn nouvèl la, yo menm se lènmi pou benefis pa nou. Men selon bi chwa Bondye a, yo se byeneme pou ✡Wo 8:28benefis a zansèt yo. 29 Paske kado ak ✡Wo 8:28apèl Bondye pa revokab. 30 Menm jan ke yon fwa ou te nan dezobeyisans a Bondye, men koulye a Li bannou gras akoz dezobeyisans a Jwif yo, 31 konsa, yo menm tou dezobeyisan koulye a, men akoz mizerikòd Bondye gen tan bannou, yo kapab twouve gras tou. 32 Paske ✡Wo 3:9Bondye gen tan fèmen nou tout nan dezobeyisans pou li kapab montre nou tout mizerikòd li.
33 O, pwofondè ✡Wo 2:4richès a ✡Kol 2:3sajès ak konesans Bondye! A la ensondab Jijman Li ensondab! A la chemen Li yo depase konprann!
34 Paske ✡És 40:13“Kilès ki konnen panse a Senyè a?”
Oubyen “Kilès ki kapab bay Li konsèy?”
35 Oswa ✡Job 35:7“Kilès ki konn bay Li yon bagay
pou Li kapab repeye li ankò?”
36 Paske ✡I Kwo 8:6soti nan Li, atravè Li, e akoz Li se tout bagay. A Li menm laglwa jis pou tout tan, Amen.