7
Башқиларниң үстидин һөкүм қилмаңлар
Луқа 6:37-38; 41-42
1 Башқиларниң үстидин һөкүм қилип жүрмәңлар. Шундақта Худаниң һөкүмигә учримайсиләр.■Луқа 6:37; Рим. 2:1; 1Кор. 4:3, 5. 2 Чүнки силәр башқилар үстидин қандақ баһа билән һөкүм қилсаңлар, Худаму силәрниң үстүңлардин шундақ баһа билән һөкүм чиқириду. Силәр башқиларни қандақ өлчәм билән өлчисәңлар, Худаму силәрни шундақ өлчәм билән өлчәйду.□«башқиларниң үстидин һөкүм қилип жүрмәңлар» — бу 1-2-айәтләр тоғрилиқ «қошумчә сөз»имиздә азрақ тохтилимиз. ■Мар. 4:24; Луқа 6:38. 3 Әнди немә үчүн бурадириңниң көзидики қилни көрүп, өз көзүңдики лимни байқалмайсән?!□«бурадириңниң көзидики қилни көрүп...» — яки «қериндишиңниң көзидики қилни көрүп...». «...өз көзүңдики лимни байқалмайсән?!» — айәтниң толуқ мәнаси: «Немә үчүн бурадириңниң һәрә кепигидәк кичик сәһвәнлигинила көрүп, өзүңдики лимдәк чоң гунани көрмәйсән» дегәндәк. ■Луқа 6:41, 42. 4 Сән қандақму бурадириңға: «Қени, көзүңдики қилни еливетәй!» дейәләйсән? Чүнки мана, өзүңниң көзидә лим туриду!? 5 Әй сахтипәз! Авал өзүңниң көзидики лимни еливәт, андин ениқ көрүп, бурадириңниң көзидики қилни еливетәләйсән.■Пәнд. 18:17.
Худаниң сөзини көзигә илмайдиғанлар һәққидә
6 Муқәддәс нәрсини иштларға бәрмәңлар, яки үнчә-мәрвайитлириңларни тоңғузларниң алдиға ташлап қоймаңлар. Болмиса, улар буларни путлирида дәссәп, андин бурулуп силәрни талайду.■Пәнд. 9:8; 23:9.
Тиләңлар, издәңлар, чекиңлар
Луқа 11:9-13
7 Тиләңлар, силәргә ата қилиниду; издәңлар, таписиләр; ишикни чекиңлар, ечилиду.■Мат. 21:22; Мар. 11:24; Луқа 11:9; Юһ. 14:13; 16:24; Яқ. 1:5, 6; 1Юһа. 3:22; 5:14. 8 Чүнки һәр бир тилигүчи тилигинигә еришиду; издигүчи издигинини тапиду; ишикни чәккүчиләргә ишик ечилиду.■Пәнд. 8:17; Йәр. 29:12. 9 Араңларда өз оғли нан тәләп қилса, униңға таш беридиғанлар барму?! 10 Яки белиқ тәләп қилса, илан беридиғанлар барму? 11 Әнди силәр рәзил турупму өз пәрзәнтлириңларға яхши илтипатларни беришни билгән йәрдә, әрштики Атаңлар Өзидин тилигәнләргә яхши нәрсиләрни техиму илтипат қилмасму?■Яр. 6:5; 8:21.
12 Шуңа һәр ишта башқиларниң өзүңларға қандақ муамилә қилишини үмүт қилсаңлар, силәрму уларға шундақ муамилә қилиңлар; чүнки Тәврат қануни вә пәйғәмбәрләрниң тәлиматлири мана шудур.■Луқа 6:31.
Худаниң падишалиғиға киридиған дәрваза тар
Луқа 13:24
13 Тар дәрвазидин кириңлар. Чүнки кишини һалакәткә елип баридиған дәрваза кәң болуп, йоли кәңташа вә дағдамдур, вә униңдин киридиғанлар көптур. ■Луқа 13:24. 14 Бирақ һаятлиққа елип баридиған дәрваза тар, йоли қистаң болуп, уни тапалайдиғанларму аз.■Рос. 14:22.
Икки хил дәрәқ
Луқа 6:43-44; 13:25-27
15 Алдиңларға қой терисигә оринивелип кәлгән, ичи житқуч чилбөридәк болған сахта пәйғәмбәрләрдин һошияр болуңлар. ■Қан. 13:4; Йәр. 23:16; Мат. 24:4; Рим. 16:17; Әф. 5:6; Кол. 2:8; 1Юһа. 4:1. 16 Силәр уларни мевилиридин тонувалалайсиләр. Тикәндин үзүмләр, қамғақтин әнҗирләр алғили боламду? 17 Шуниңға охшаш, һәр яхши дәрәқ яхши мевә бериду, пор дәрәқ начар мевә бериду. ■Мат. 3:10; 12:33; Мар. 11:13; Луқа 8:8. 18 Яхши дәрәқ начар мевә бәрмәйду, пор дәрәқ яхши мевә бәрмәйду. 19 Яхши мевә бәрмәйдиған һәр бир дәрәқ кесилип отқа ташлиниду. 20 Шуниңдәк, мошундақ кишиләрни мевилиридин тонувалалайсиләр.
Һәқиқий мухлис
21 Маңа «Рәббим, Рәббим» дегәнләрниң һәммисила әрш падишалиғиға кирәлмәйду, бәлки әрштә турғучи Атамниң ирадисини ада қилғанларла кирәләйду. ■Мат. 25:11; Луқа 6:46; 13:25; Рос. 19:13; Рим. 2:13; Яқ. 1:22. 22 Шу күнидә нурғун кишиләр маңа: «Рәббим, Рәббим, биз сениң намиң билән вәһий-бешарәтләрни йәткүздуқ, сениң намиң билән җинларни қоғлидуқ вә намиң билән нурғун мөҗизиләрни көрсәттуқ» дәйду. □«Шу күнидә нурғун кишиләр маңа: «Рәббим, Рәббим...» дәйди» — «шу күни» — муқәддәс язмилардики көп йәрләрдә қиямәт күни пәқәт «шу күни» дәп атилиду. ■Йәр. 14:14; 27:15; Луқа 13:26. 23 Һалбуки, у чағда мән уларға: «Силәрни әзәлдин тонумаймән. Көзүмдин йоқилиңлар, әй итаәтсизләр!» дәп елан қилимән.■Зәб. 6:9; Мат. 25:12,41; Луқа 13:25,27.
Икки хил имарәт салған кишиләр
24 Әнди һәр бири бу сөзлиримни аңлап әмәл қилған болса, у өз өйини қорам таш үстигә салған пәм-парасәтлик кишигә охшайду. ■Йәр. 17:8; Луқа 6:47; Рим. 2:13; Яқ. 1:25. 25 Ямғур жиғип, кәлкүн келип, боран чиқип соқсиму, у өй өрүлмиди; чүнки униң ули қорам ташниң үстигә селинған. 26 Бирақ сөзлиримни аңлап туруп, әмәл қилмайдиған һәр бири өйини қумниң үстигә қурған ахмақкә охшайду. ■Әз. 13:11; Рим. 2:13; Яқ. 1:23. 27 Ямғур яққанда, кәлкүн кәлгәндә, боран чиққанда шу өй өрүлүп кәтти; униң өрүлүши интайин дәһшәтлик болди!
28 Вә шундақ болдики, Әйса бу сөзлирини ахирлаштурғандин кейин, бу топ-топ халайиқ униң тәлимлиригә һәйрануһәс болушти. 29 Чүнки униң тәлимлири Тәврат устазлириниңкигә охшимайтти, бәлки толиму нопузлуқ еди.■Мар. 1:22; 6:2; Луқа 4:32.
■7:1 Луқа 6:37; Рим. 2:1; 1Кор. 4:3, 5.
□7:2 «башқиларниң үстидин һөкүм қилип жүрмәңлар» — бу 1-2-айәтләр тоғрилиқ «қошумчә сөз»имиздә азрақ тохтилимиз.
□7:3 «бурадириңниң көзидики қилни көрүп...» — яки «қериндишиңниң көзидики қилни көрүп...». «...өз көзүңдики лимни байқалмайсән?!» — айәтниң толуқ мәнаси: «Немә үчүн бурадириңниң һәрә кепигидәк кичик сәһвәнлигинила көрүп, өзүңдики лимдәк чоң гунани көрмәйсән» дегәндәк.
■7:3 Луқа 6:41, 42.
■7:7 Мат. 21:22; Мар. 11:24; Луқа 11:9; Юһ. 14:13; 16:24; Яқ. 1:5, 6; 1Юһа. 3:22; 5:14.
■7:15 Қан. 13:4; Йәр. 23:16; Мат. 24:4; Рим. 16:17; Әф. 5:6; Кол. 2:8; 1Юһа. 4:1.
■7:17 Мат. 3:10; 12:33; Мар. 11:13; Луқа 8:8.
■7:21 Мат. 25:11; Луқа 6:46; 13:25; Рос. 19:13; Рим. 2:13; Яқ. 1:22.
□7:22 «Шу күнидә нурғун кишиләр маңа: «Рәббим, Рәббим...» дәйди» — «шу күни» — муқәддәс язмилардики көп йәрләрдә қиямәт күни пәқәт «шу күни» дәп атилиду.
■7:22 Йәр. 14:14; 27:15; Луқа 13:26.
■7:23 Зәб. 6:9; Мат. 25:12,41; Луқа 13:25,27.
■7:24 Йәр. 17:8; Луқа 6:47; Рим. 2:13; Яқ. 1:25.
■7:26 Әз. 13:11; Рим. 2:13; Яқ. 1:23.
■7:29 Мар. 1:22; 6:2; Луқа 4:32.